潮爆相學之0靚模胸相

話係潮爆不如話係復古.胸相唔係今時今日至有,好多人都以爲相學淨係睇面相嘅五官同埋手掌嘅幾條主線,咁就大錯特錯喇.

我地要準確批相,除左手面相仲包括骨相、毛髮相、肉相、氣色、腰、臍、腹背、胸、股、五行、身形比例、聲音、神氣、眼神、氣色、威儀、皮膚、墨痣、三停長短、飲食相、行相、臥相、坐相....等等以上巳包括動靜二相.

今期師傅係蘋果日報批胸相,我更係要支持啦

資料來源:18July2009蘋果日報

玄學嘅氣色其實等同中醫嘅氣色一D都唔玄

可否改善(面青)問題?

本人面色時常給別人說"面青"，是否運氣差時的面色是這樣的?(事實上本人財運方面確實很差),在玄學或相學方面有否改善之法，請多多賜教!

論色氣,有青色出現不只你財運差,其實你嘅健康都應該唔會好得去邊.

咁當然係要配上面相十二宫十三個部位同你追,咁就知你係有乜麻煩.

如果你啃配合絶對有方法可以改善架.

方法係每日起床吉肚飲三杯暖水之後就可以食野喇,另外每日係早上五點前出去做一個鐘運動.两個月後你嘅氣色應該有好轉.再恆而久之等到你嘅氣色一開咁運程就會暢順,咁梗係要比一定恆心同決心啦.想轉運係要付出架.

新屋入伙須知

新屋須知事項

我與家人沒有任何宗教信仰，及現居住的地方亦沒有什麼神位擺設。
現想問如下：
1. 搬屋前有什麼準備?
2. 有什麼須要購買如拜神、沸水等 (別人說)?
3. 因是新屋沒有人住過之前，有什麼要注意?
4. 傢俬擺設有什麼要注意?
5. 是否有特別擺設會利住者?
6. 有什麼風水特別注要?
總之有關搬新居的事項，如可以告知亦希望得高人指點。謝謝!

貓仙人回答如下:

1.+3.收完楼之後(擇個好日),用清水浠釋左嘅碌柚葉同黃皮葉水(去花擋或跌打舖買大約四元一份碌柚葉同黃皮葉煲水)倒人噴水壼度,要尼噴D角位天花呀地板呀,總之係角位都可以噴.因爲D陰位會有D唔乾淨嘅野係到.方法係由屋最入至外噴.再清潔好間屋就可以拜四角喇.
去紙扎舖買份拝四角衣紙另加D金銀衣紙.要買橙,雪莉,芽菜,生豬肉,花生,一支燒酒(放中間),燒肉.分五份放係廳四角同廳中間,拜完燒埋衣紙就禮成.跟住你可以裝修又得唔整都得.

2.擇個好日子好時晨入伙.

去紙舖買份入伙衣紙同另加金銀衣紙.祭品(燒肉,魚,雞,生菓,燒酒,小小糖菓同榚點).由大門口開始拜起,禮成後先至可以放伽俬入屋,按好床同放好床上用品(代表夫妻和順).最後去厨房煲一煲水,意思係風生水起.

4.傢俬一套就一套唔好買套半如貴妃梳化.要選擇暖色.房內嘅椅要方唔要圓,因爲圓主動房主靜.

5.厠所同厨房門要常關,如果有人係室入厠所要關窗開抽氣扇,室內要有足夠空氣流通同埋要有適量陽光.

6.鞋櫃唔好放係大門外或放正大門後,唔係財神都唔會入嚟.地毯要放屋外唔好放室內.窗門唔好要嚟晒衫,會影響財運.大門口外唔夠光要裝支燈.

最係祝你入伙平安,事事順利.

破解奶茶七七七之謎.......寵物相

係時候話比大家知點解我叫奶茶七七七喇.

以上尼位一團毛嘅尾男子就係叫做奶茶又係我家老細之一,另外七七七似特務囉.

講開寵物原來真係有相睇架,比我睇過相嘅寵物主人都覚得好神奇.

其實人同寵物都係一樣咁睇,當然寵物就無掌紋參考喇.大致上寵物嘅性格,濟遇,貧富貴賤都可以睇得出.相由心生尼一句都可以應用係寵物身上架.

點樣嘅事業線算係闊太???

闊太有無事業線? 係咪有事業線就一定要出嚟捱世界?

闊太都有可能有事業線嘅,

如果闊太有靚嘅事業線係代表幫/旺夫.

淨係得一條事業線,無錯係成世人得個做字咁解.

1.如果事業線有埋條名望線就唔同晒喇,

代表係事業上有名聲.

2.如果事業線再加上一條靚嘅名望線,

代表其人係事業上有一番作爲會出人頭地.

如果崖世界之餘係有錢有名望都唔錯架.

化妝改運篇

當運程不順係人都想改運.

其中一樣改運方法係利用化妝改運.

論化妝改運我地女仕們著數好多.

化妝改運要注重幾點.

1.眉----因爲眉係相學上主情關又主計劃.

眉形唔好多方面嘅感情都不順暢,

而計劃又會不如自己理想中進行或結局.

2.粉底----因爲係整個化妝嘅主體,所以選擇粉底顏色要和頸部膚色配合, 不可相差太遠,唔好比一白遮三醜尼句野呃倒你.

3.眼睛----係靈魂之窗,又係同人溝通嘅橋樑.

加上淡淡嘅胭脂同唇采,以經好足夠架喇.

再比D貼士大家,用化妝改運唔係一两日就可以,要長時間進行才會見效.

睇相批命背後嘅意義

所謂相不睇不發薑不磨不辣,並唔係叫你盲目去相信相仕嘅說話.

命理係資訊性質,所提及嘅內容唔會100%會發生,大概會有八至九成係會實現,原因係通過睇相命理從中得知前程未來,如果性格有所改變事情亦將會有所轉變.

命運弄人,人可常唔係玩弄命運呢???家人,家庭背景係無得簡擇之外,乜都可以簡係有選擇,例如你嘅朋友,前程,你嘅未來一一都可以選擇.

睇相/批命會一一道出你嘅過去與未來,性格優點同缺點,一生嘅妻/夫財子祿.

1.講得出你嘅過去,批你未來嘅事情不中亦不遠而.

2.多數人都唔清楚自己嘅性格係點,又話者唔知自己嘅性格缺點.例如: 樂於助人係優點大家都知,但過份幫人幫到過晒火位,傾家蕩產同親人反目咁就變成缺點.

有D人話好驚知道自己未來所發生嘅事情,其實有乜好驚中國人米有句名言嘅"有早知就無乞兒.即係話早D知道事情嘅結果,就唔會去到今日嘅地步.再者你揾個位善相人(相仕)係米真正講得出你嘅事情又係另一回事.

好多時同客人從睇相過程當中知道D唔好嘅事情,客人就會急不及待問我點化解,而我所爲嘅化解就係要客人清楚知道自己嘅性格好與壞,肯配合去改變嘅話就係化解喇.世上係無不勞而鑊包括有人話你:" 將會發逹以後生活無憂."

因爲相學係資訊性,所以就唔應該迷信.

好似倒自已米咁實情我想同大家分享我所認識嘅相學.